Oherwydd cyfuniad o broblemau iechyd meddwl cymhleth, camddefnyddio sylweddau ac ofn chwilio am gymorth, canfu Aaron o Wynedd fod ei iechyd corfforol a meddyliol mewn perygl mawr.
Diolch i gefnogaeth barhaus a gofal arbenigol Cyfle Cymru, mae wedi gwyrdroi ei fywyd ac mae bellach yn astudio peirianneg sifil ym Mhrifysgol Caerdydd.
“Cyflwynodd y prosiect hwn opsiynau i mi nad oeddwn hyd yn oed yn ymwybodol ohonynt” meddai Aaron.
Ar ôl cwblhau rhaglen adfer fewnol trwy CAIS, dechreuodd Aaron 36 oed gael cyfarfodydd un-i-un rheolaidd gyda’i fentor cyfoedion ac yn raddol dechreuodd fynychu sesiynau galw heibio ac ymgysylltu’n llawn â’r cyrsiau a’r gweithgareddau a gynigwyd gan Cyfle Cymru.
Derbyniodd Aaron gefnogaeth i ddod o hyd i lety addas, rheoli ei gyllid a sicrhau annibyniaeth i gynnal gyrfa sefydlog yn y dyfodol.
“Rwyf wedi cael y dechrau newydd gorau y gallem fod wedi gobeithio amdano. Ni fyddai cymaint wedi bod yn bosibl heb y gefnogaeth a’r adnoddau a roddwyd i mi gan Cyfle Cymru ”
“Nid yn unig ydw i wedi gweld Cyfle Cymru yn newid fy mywyd fy hun, ond hefyd bywydau nifer o bobl eraill. Hoffwn ddiolch yn fawr i bawb yn CAIS a gobeithio y bydd eraill yn cydnabod Cyfle Cymru a’r gwasanaethau anhygoel y mae’n eu darparu “
