BU I AELODAU consortiwm Datblygu Cymru Gofalgar (DACW) gytuno ar gynllun gweithredu i helpu mynd i’r afael gyda’r risg dichonol gan y teulu fentanyl o opioidau synthetig.
Mae’r grŵp, sy’n gyfuniad o asiantaethau sector gwirfoddol adnabyddus o bob cwr o’r wlad, wedi cytuno ar chwe blaenoriaeth er mwyn rhoi’r gorau i’r defnydd o’r sylweddau hyn, sy’n llawer cryfach na heroin.
Does dim tystiolaeth i awgrymu caiff y cyffuriau yma eu defnyddio’n helaeth ledled Cymru ond mae aelodau DACW yn credu fod posib i fentanyls fod yn risg sylweddol i bobl fregus ledled y wlad.
Fel ymateb i hyn, bydd aelodau DACW yn gwneud y canlynol:
- parhau i fod yn wyliadwrus ynghylch y defnydd o fentanyls yng nghymunedau Cymru ac argymell fod pob asiantaeth yn derbyn stribedi profi er mwyn adnabod y defnydd o’r cyffuriau
- galw am gynllun prawf ar gyfer y cartref er mwyn profi am fentanyl mewn wrin, gyda hyfforddiant a chefnogaeth i ddefnyddwyr mewn risg o ddod ar draws fentanyls
- gofalu caiff samplau cyffuriau eu hanfon yn rheolaidd at WEDINOS i’w profi ac annog lluoedd yr Heddlu, gwasanaethau iechyd a phartneriaid eraill i wneud yr un peth
- hyfforddi holl aelodau’r rheng flaen ynghylch ymwybyddiaeth o fentanyl a sylweddau seicoweithredol newydd
- argymell parhau gydag ac ymestyn y rhaglen naloxone i gynnig cyngor arbenigol i ddefnyddwyr sydd mewn peryg o ddod ar draws fentanyls
- cefnogi pobl i fanteisio ar driniaeth amnewidion effeithiol a chefnogi mentrau i ofalu nad oes yna restri aros am driniaethau cyffuriau yng Nghymru
Mae DACW hefyd yn croesawu gwaith y Panel Cynghori annibynnol ar Gamddefnyddio Sylweddau a’r Uwch Grŵp Lleihau Niwed i adolygu tystiolaeth ynghylch cyfleusterau pigiadau mwy diogel.
Ymateb wedi ymrwymo
Dywedodd yr Cadeirydd Jean Harrington: “Mae’r datganiad o bwrpas ar y cyd hwn gan aelodau consortiwm DACW yn dangos fod asiantaethau ledled Cymru yn gwbl ymroddgar gyda’u hymateb i’r perygl o fentanyls yn ymddangos ar ein strydoedd.
“Rydym yn barod i gydweithio gyda’n partneriaid yn y llywodraeth ac ar draws y wlad i fynd i’r afael ag effaith y sylweddau peryglus hyn.”