Mae gan Ronnie Devlin her o’i flaen. Mae’n rhan o gamau cyntaf y rhaglen mentora cyfoedion cyn-filwr i gyn-filwr, Newid Cam, ac mae o, ynghyd â gweddill y tîm Newid Cam, yn cefnogi cyflwyno’r prosiect am y tro cyntaf ar draws Cymru gyfan.
Mae Ronnie yn Filwr Prydeinig trwyddo draw, ac mae wedi gwasanaethu dros ei wlad am dros 26 mlynedd mewn llefydd mor bell â Gogledd Iwerddon, Cyprus, Canada ac Irac lle’r oedd yn Gadlywydd Amryfal ar dîm o ddeg. Yn fwy diweddar, bu’n Affganistan yn 2010 lle’r oedd yn Sarsiant y Fyddin.
Dechreuodd ei broblemau tra’r oedd yn Affganistan a phan ddaeth yn ôl i Brydain roedd o’n ei chael hi’n anodd derbyn bod llawer o’i ddynion allan yn brwydro o hyd. Penderfynwyd ei fod yn dioddef o PTSD.
Dywedodd Ronnie, “Y peth da am Newid Cam ydy ein bod ni’n gweld dynion sy’n ei chael hi’n anodd siarad am eu problemau ond rydw i wedi bod yno fy hun, ei brofi fy hun a’i weld gyda’m llygaid fy hun! Pan rydych chi wedi bod trwy hyn eich hun ac yn hapus i siarad am eich profiadau, mae’n gwneud i gyn-filwyr eraill ymlacio fwy ac maen nhw’n fuan yn datgelu mwy o’u pryderon eu hunain. Mae wedi gweithio i mi a gall yn sicr weithio i’r cyn-filwr nesaf sy’n dioddef yn dawel.”
Mae Newid Cam eisoes yn cydweithio gyda nifer o wasanaethau gan gynnwys GIG Cymru i Gyn-filwyr, y Lleng Brydeinig Frenhinol a’r Heddlu i sicrhau gwasanaeth cynhwysfawr sy’n canolbwyntio ar gyn-filwyr y Lluoedd Arfog. Wrth inni gyflwyno Newid Cam ar draws Cymru yn ystod 2014 mae’r tîm yn recriwtio gwirfoddolwyr sydd â diddordeb mewn dod yn fentoriaid cyfoedion Newid Cam.
